ევრაზიის თანამშრომლობის ფონდის მისიაა პრაქტიკული პროგრამების განხორციელების მეშვეობით საშუალება მისცეს მოქალაქეებს ზეგავლენა მოახდინონ ცვლილებებზე სოციალური სამართლიანობისა და ეკონომიკური აღმშენებლობისათვის, რათა გაუმჯობესდეს მათი და მათ გარშემომყოფთა ცხოვრება. სომხეთში, აზერბაიჯანსა და საქართველოში ევრაზიის თანამშრომლობის ფონდი ადგილობრივი ოფისებით არის წარმოდგენილი. ევრაზიის თანამშრომლობის ფონდი ხელს უწყობს სამოქალაქო საზოგადოების განვითარებას. ის ევრაზიის ფონდის მემკვიდრე, კერძო, არაკომერციული ორგანიზაციაა, რომელიც 1992 წელს დაარსდა. მისი კაპიტალი განკუთვნილი იყო ყოფილი საბჭოთა კავშირის ქვეყნების განვითარებადი სამოქალაქო საზოგადოების დასახმარებლად. დაარსებიდან ევრაზიის თანამშრომლობის ფონდის, როგორც ადგილობრივი ფონდის ჩამოყალიბებამდე 2007 წელს, ევრაზიის ფონდმა სამხრეთ კავკასიაში 1 700 გრანტი თუ პროგრამა დააფინანსა ამერიკის შეერთებული შტატების საერთაშორისო განვითარების სააგენტოსა (USAID) და სხვა კერძო თუ სახელმწიფო დონორი ორგანიზაციების ხელშეწყობით. ფონდმა, დაახლოებით, 70 მილიონი აშშ დოლარის ინვესტიცია ჩადო.
ევრაზიის თანამშრომლობის ფონდი ნერგავს და აფინანსებს პროგრამებს. მას ექვსი პროგრამული მანდატი და მიდგომა აქვს, ესენია: საზოგადოების მონაწილეობა და მონიტორინგი, კორპორაციული და საზოგადოებრივი ფილანთროპია, კვლევისა და კვალიფიკაციის ამაღლების პოლიტიკა, ბიზნესგარემოს გაუმჯობესება, ერთაშორისი თანამშრომლობა და ღია კარი, როგორც დამფინანსებელი ფონდი. ევრაზიის თანამშრომლობის ფონდის თითოეული ოფისი პროგრამულ პრიორიტეტებს შეიმუშავებს. იგი ადგილობრივ და საერთაშორისო აქციონერებთან და საბჭოსთან ყოველწლიურად გამართულ კონსულტაციებს ითვალისწინებს. ევრაზიის თანამშრომლობის ფონდი ევრაზიის ფონდის ქსელის წევრია. სამოქალაქო საზოგადოების განვითარებას ხელს უწყობს ხუთი ადგილობრივი ფონდი, რომელთა ოფისებიც არის რუსეთში, ცენტრალურ აზიაში, სამხრეთ კავკასიაში, აღმოსავლეთ ევროპასა და ვაშინგტონში.
11 მაისი 2012
26 აპრილი 2012
ევრაზიის თანამშრომლობის ფონდი აცხადებს კონკურსს სტუდენტებისათვის, რომლებიც თავის ნაშრომებში ევრაზიის თანამშრომლობის ფონდის 2011 წ. კვლევის „ევროკავშირის მიმართ დამოკიდებულებისა და ცოდნის შეფასება საქართველოში“ მონაცემებს გამოიყენებენ. კონკურსში მონაწილეობისათვის დასახმარებლად ფონდი აწყობს ტრეინინგს სტდენტებისათვის რაოდენობრივი სოციოლოგიური გამოკითხვების შედეგების ინტერპრეტაციისა და წარმოდგენის უნარ-ჩვევების შესაძენად. გთხოვთ გაეცნოთ თანდართულ განცხადებას.
26 აპრილი 2012
ევრაზიის თანამშრომლობის ფონდი აცხადებს კონკურსს ჟურნალისტებისათვის, რომლებიც გამოაქვეყნებენ სტატიებს, ან ეთერში გაუშვებენ რეპორტაჟებს ევრაზიის თანამშრომლობის ფონდის 2011 წ. კვლევის „ევროკავშირის მიმართ დამოკიდებულებისა და ცოდნის შეფასება საქართველოში“ მონაცემების გამოყენებით. კონკურსში მონაწილეობისათვის დასახმარებლად ფონდი აწყობს ტრეინინგს ჟურნალისტებისათვის რაოდენობრივი სოციოლოგიური გამოკითხვების შედეგების ინტერპრეტაციისა და წარმოდგენის უნარ-ჩვევების შესაძენად. გთხოვთ გაეცნოთ თანდართულ განცხადებას.
საავტორო უფლება © 2007 ევრაზიის თანამშრომლობის ფონდი. ბოლო განახლება: 11 მაისი 2012
ვებ გვერდი მომზადდა ამერიკის შეერთებული შტატების საერთაშორისო განვითარების სააგენტოს დახმარებით. მის შინაარსზე პასუხისმგებელია მხოლოდ ევრაზიის თანამშრომლობის ფონდი. შესაძლებელია ფონდის შეხედულებები არ ემთხვეოდეს ამერიკის შეერთებული შტატების განვითარების სააგენტოსა და ამერიკის შეერთებული შტატების მთავრობის შეხედულებებს.
ვებ გვერდი მომზადდა შვედეთის საერთაშორისო თანამშრომლობისა და განვითარების სააგენტოს დაფინანსებით. მის შინაარსზე პასუხისმგებელია მხოლოდ ევრაზიის თანამშრომლობის ფონდი. შესაძლებელია ფონდის შეხედულებები არ ემთხვეოდეს შვედეთის საერთაშორისო თანამშრომლობისა და განვითარების სააგენტოს შეხედულებებს.
